Los tripons

« Copavan la pança del vedèl per far los tripons. Ma maire fasiá la salsa amb un bocin de vin blanc. Nautres, fasèm de tripons rotlats, ambe de tripas, de cambajon e un bocin de ventresca salada, de persilh e d’alh. Cal copar de carrats de pança e rotlar tot aquò dedins, cal estacar plan sarrat ambe las tripas. Los rossissèm ambe de graissa de rit dins la padena, juste revenguts. Apèi, òm los met dins la marmita amb un litre de bon vin blanc e de carròtas, de navets, de tomatas per far un bocin roge, d’òsses, un garron de vedèl e un garron de buòu e un parelh de pès de vedèl.
Aviam vist de monde que los rotlavan e nos metèrem a los rotlar. N’i a cinquanta ans que los fasèm aital. »