Lo burre

« La bòria èra entre Laguiòla e Lacalm. A mai d’un nom, aquela bòria. S’apela Lo Pas de l’Ase, La Bòria de Gauant e La Bòria de Noèl. Aquò èra una bòria que i aviá una granja lònga e l’ostal a la cima. I aviá lo prat de 24 ectaras davant, e la montanha de 35 ectaras darrès. Aviam un masuc, l’an tornat petaçar, ara.
Naltres fasiam lo burre. Molziam, fasiam lo burre e pièi donàvem lo lach als pòrcs. Aviam una barrata en boès, òm tornijava una manivèla. Fasiam de bon burre. Lo monde de Laguiòla lo nos crompavan. Fasiam lo burre lo vendres e, lo sabte, l’anàvem vendre als clients. Anàvem pas suls mercats. Aquò èra ben naltres qu’aviam lançat aquò. »