L'Institut occitan d'Avairon recruta un(a) secretari(a) comptable(a)

Recrutament d'un(a) secretari(a) comptable(a)

Condicions :
Contracte de durada indeterminada (CDI)
Temps de trabalh : 19:30 / setmana (mièg-temps)
NB : L'associacion ADOC 12, partenària de l'IOA dins l'encastre del Pòl Avairon occitan, recruta atanben un(a) secretari(a) comptable(a) a mièg-temps.
RTT
Luòc de trabalh : Rodés. Desplaçaments dins lo departament d'Avairon
Grop B, indici 255 – Salari brut : 805,80 € (mièg-temps)
13en mes
Mutuala
Tiquets de restaurant
Prumièr jorn de trabalh lo 4 de genièr de 2021

Presentacion de l'associacion :
L'Institut occitand'Avairon (IOA), servici associat del Conselh departamental, ten coma prètzfach d'enregistrar, preservar, promòure, transmetre la memòria occitana de Roergue. Anima un siti internet multimèdia (www.occitan-aveyron.fr), mena d'enquèstas sus de supòrts audiovisuals, publica de libres, monta d'exposicions, organiza de conferéncias, d'animacions, de jornadas de formacion, prepausa un servici de conselh lingüistic. En 2021, començarà un programa de valorizacion dels païses avaironeses (Leveson, Segalar, Causses, Aubrac…) e de lor identitat. Une granda operacion a la dimension de las Comunaltats de comunas, de còps regropadas, menada ambe l'ajuda dels oficis de torisme (12 projèctes dins l'ensemble del departament).
Lo projècte d'activitat de l'IOA es decidit pel Conselh d'administracion (15 membres dont 8 conselhièrs departementals), en coordinacion ambe lo Pòl Avairon occitan, gropament per convencion de tres estructuras departamentalas : IOA, ADOC 12 (ensenhament de l'occitan als escolans) e l'Ostal Bodon(ostal d'escrivan e luòc de creacion e de difusion artistica).

Fonccion :
gestion - administracion :
- secretariat de l'associacion : corrièr, rendut-comptes, classament, archivatge
- seguit del budget, tenguda dels jornals comptables, facturacion, pagaments, establiment dels balançs e dels comptes de resultas periodics. Un comptable-expèrt produsís los comptes de resultas annadièrs e lo bilanç al 31 de decembre
- redaccion dels rapòrts demandats pels finançaires publics e privats
- obligacions declarativas
- animacion e seguit de las vendas (libres, DVD...), estats dels estòcs e dels depausses.
participacion a las activitats de l'associacion :
- organizacion e coordinacion de las reünions, animacions, sesilhas de collectatge, presas de rendètz-vos (elegits, associacions, escòlas, personas d'enregistrar, actors del torisme e de la cultura, personas ressorgas…)
- promocion de las activitats e de las produccions de l'associacion
- tenguda e mesa a jorn dels fiquièrs d'adreças.

Qualitats necessàrias
- competéncias professionalas : ortografa, calcul, burotica, capacitat de redaccion
- interès per la lenga e la cultura occitanas, l'engatjament associatiu, lo trabalh en cooperacion
- volontat d'aprene o de se perfeccionar en occitan escrich e oral. La persona deurà validar lo nivèl B2 del CECRL al cap d'un an (formacion presa en carga per l'associacion).
- sens de l'acuèlh e de la convivéncia
- èsser titulari(a) del permés de menar.

Lengas de trabalh
Francés e occitan. Possibilitat de seguir una formacion per validar lo nivèl B2 del CECRL.

Modalitats de recrutament
Mandar CV + letra manescricha de motivacion, en occitan o en francés, adreçada al president de l'Institut occitan d'Avairon, recrutament secretari(a)-comptable(a), 25 avenguda Victor-Hugo, 12000 RODÉS. Se sabètz pas qu'un briconèl de lenga, un pichot tèxt personal, escrich dins la grafia que poiretz serà presat.
Data limita de candidatura : dissabte 28 de novembre de 2020.
Prumièr entreten : diluns 7 de decembre de 2020.
Segond entreten : divendres 11 de decembre de 2020.

poleaveyronoccitan@hotmail.com