La formiseta
Yvonne ROQUE
ENFANCE (JEUX)
Série énumérative
--- En 2000 ---
Introduction
Les formules énumératives ou randonnées étaient faites pour amuser l'assistance ou stimuler la mémoire des enfants. La matrice de cette randonnée remonterait aux temps prébibliques.
Informateur
« La formiseta se’n anava a Jerusalèm.
En camin, trapèt de glaç, glaç còpa cambeta a la paura formiseta que se’n anava a Jerusalèm.
Lo glaç iè diguèt :
“I a ben quicòm de pus fòrt que ieu…
– E de qué ?
– Lo solelh que me fond.”
Solelh fond glaç, glaç còpa cambeta a la paura formiseta que se’n anava a Jerusalèm.
Lo solelh iè diguèt :
“I a ben quicòm de pus fòrt que ieu…
– E de qué ?
– La nívol que me tampa.”
Nívol tampa solelh, solelh fond glaç, glaç còpa cambeta a la paura formiseta que se’n anava a Jerusalèm.
La nívol diguèt :
“I a ben quicòm de pus fòrt que ieu…
– E de qué ?
– Lo vent que me buta.”
Vent buta nívol, nívol tampa solelh, solelh fond glaç, glaç còpa cambeta a la paura formiseta que se’n anava a Jerusalèm.
Lo vent diguèt :
“I a ben quicòm de pus fòrt que ieu…
– E de qué ?
– La muralha que m'arrèsta.”
Muralha arrèsta vent, vent buta nívol, nívol tampa solelh, solelh fond glaç, glaç còpa cambeta a la paura formiseta que se’n anava a Jerusalèm.
La muralha diguèt :
“I a ben quicòm de pus fòrt que ieu…
– E de qué ?
– Lo rat que me trauca.”
Rat trauca muralha, muralha arrèsta vent, vent buta nívol, nívol tampa solelh, solelh fond glaç, glaç còpa cambeta a la paura formiseta que se’n anava a Jerusalèm.
Lo rat diguèt :
“I a ben quicòm de pus fòrt que ieu…
– E de qué ?
– Lo cat que me manja.”
Cat manja rat, rat trauca muralha, muralha arrèsta vent, vent buta nívol, nívol tampa solelh, solelh fond glaç, glaç còpa cambeta a la paura formiseta que se’n anava a Jerusalèm.
Lo cat diguèt :
“I a ben quicòm de pus fòrt que ieu…
– E de qué ?
– La femna que me tusta.”
Femna tusta cat, cat manja rat, rat trauca muralha, muralha arrèsta vent, vent buta nívol, nívol tampa solelh, solelh fond glaç, glaç còpa cambeta a la paura formiseta que se’n anava a Jerusalèm.
La femna diguèt :
“I a ben quicòm de pus fòrt que ieu…
– E de qué ?
– La mòrt que me pren.”
Mòrt pren femna, femna tusta cat, cat manja rat, rat trauca muralha, muralha arrèsta vent, vent buta nívol, nívol tampa solelh, solelh fond glaç, glaç còpa cambeta a la paura formiseta que se’n anava a Jerusalèm. »
