Lo curat originari de Lassots

« A Solatges, i aviá un curat que èra originari de Lassots, crese que s’apelava Marcilhac. Prechava a la glèisa, la glèisa èra plena a l’epòca, i aviá de monde dins la tribuna. Aquò èra les joves que montavan a la tribuna e, aquel jorn, avián fach sègre per manjar. Manjavan a la tribuna del temps que lo curat prechava. Lo curat s’entrachèt d’aquò e lor di(gu)èt :
“E ! Les pòrcs amont ! Auriatz melhor fach de demorar a la sot puslèu que de venir manjar aicí a la tribuna !”
E les joves li respondèron :
“E ben tu, n’auriás pas jamai de(g)ut ne sortir !”
Coma èra sortit de Lassots… »