Chantez rossignolet

« Aval al fons del prat, (bis)
I a una polida bergèra,
Chantez rossignolet,
Aval al fons del prat,
I a una polida bergèra.

Que garda los motons, (bis)
E fiala sa conolheta,
Chantez rossignolet,
Que garda los motons,
E fiala sa conolheta.

A tombat lo fusòl, (bis)
Dins la clèra fontena,
Chantez rossignolet,
A tombat lo fusòl,
Dins la clèra fontena.

“Lo que lo m’anarà cercar, (bis)
Li’n servirai de mia,
Chantez rossignolet,
Lo que lo m’anarà cercar,
Li’n servirai de mia.”

Lo filh del rei l’entend, (bis)
E promptament lai davala,
Chantez rossignolet,
Lo filh del rei l’entend,
Promptament lai davala.

Sia(gu)èt pas qu’a mièja-font, (bis)
Que cridava : “Ai, ai, ai, me nègui !”
Chantez rossignolet,
Sia(gu)èt pas qu’a mièja-font,
Que cridava : “Ai, ai, ai, me nègui !”

Lo filh del rei es mòrt, (bis)
Per una polida bergèra,
Chantez rossignolet,
Lo filh del rei es mòrt,
Per una polida bergèra. »