Les concors de la raça aubrac

« N’i a un dins cada canton e aquò se fa dins les fièiraus vièlhs. Aquí, i a la jurada que trabalha. Una fa las vacas vièlhas, l’altra las que an pas uèch ans, l’altra les treçons, l’altra les doblons, les borrets, las borretas, las tetonas de l’annada… Cadun dona son idèia. Pièi, donan lo resultat de cada menada.
Uèi, aquelses que menan de bèstias, lo còp d’uèlh dels unses e dels altres lor aduja a trobar la bèstia que a la bona conformacion. Aquò s’acaba ambe de cançons. Lo matin, aquò’s lo trabalh e lo ser aquò’s la fèsta.
N’i a totjorn avut d’aquelses concors e an représ que, passèt un moment, n’i a que ne fasián pas. Mès ara se'n fa un dins cada canton, l’autom, quand davalan de la montanha. »