Cançon de Joaneta
Maurice BOSC
DOMESTICITÉ
Chant
--- En 1998 ---
Introduction
Cette pastorèla est très populaire en Rouergue où elle a été largement diffusée par la Jeunesse agricole catholique.
Elle semble remonter au moins au XIXe siècle.
Dans les chansons comme dans les contes, le loup incarne bien sûr la bête sauvage et féroce mais également le prédateur masculin.
Informateur
« Quand lo pastron va delargar, (bis)
Se'n va trobar Joaneta, lalà,
O lalà, Joaneta, lalà,
Se'n va trobar Joaneta.
“Joaneta ont anarem gardar ? (bis)
Per passar una oreta,
O lalà, Joaneta, lalà,
Per passar una oreta.
– Aval, aval al prat sarrat, (bis)
End l’èrba es fresqueta,
O lalà, Joaneta, lalà,
End l’èrba es fresqueta.”
Quand arribèron aval, (bis)
L’èrba sesquèt molhada,
O lalà, Joaneta, lalà,
L’èrba sesquèt molhada.
Lo pastorèl quitèt son mantèl, (bis)
Per far assetar Joaneta,
O lalà, Joaneta, lalà,
Per far assetar Joaneta.
“Qué me dirà lo miu papà,
Qué me dirà la miá mamà,
D’èstre tant demorada,
O lalà, Joaneta, lalà,
D’èstre tant demorada ?
– E li diràs al tiu papà,
E li diràs a la tiá mamà,
Que lo lop rodava,
O lalà, Joaneta, lalà,
Que lo lop rodava.
Que sens un brave pastorèl, (bis)
Lo lop t’auriá manjada,
O lalà, Joaneta, lalà,
Lo lop t’auriá manjada.” »
