Jogar dins las nòças

« Ò !, de nòças ne fasiái ! La mèma setmana, n’ai agudas fachas tres, la mèma setmana... I aviá de jorns que se capitava que n’i aviá cinc, lo mème jorn que se maridavan. E m’arribava qu’aviái promes, anave en bicicleta, me caliá anar faire 20 o 30 quilomèstres e, finalament la qu’aviái al pè… Aviái promes, podiái pas anar pertot... Alara, i anave pas.
La nòça, en general, anavan…, se maridavan totjorn apr‘aquí a 10 oras, 10 oras, o de còps que i a 11 oras. Alara, fasián un briconèl abans de se metre a taula, fasián un briconèl de danças. Alara, dançavan una orada, doas. E apuèi, lo repais durava jusca a… Se metián a taula a 2 oras o 1 ora a mièja, e lo repais durava jusca 5 oras, lo sera. E alara dins de 5 oras, allez, anavan dançar jusca 11 oras, 10 a mièja, 11 oras. Et allez ! Apuèi sopavan e, tanlèu qu’avián sopat, allez, tornavan atacar de dançar jusca al jorn. Alara, tant que los nòvis partissián pas, anava plan e… Mès quand los nòvis partissián, èra pas tant long aquí. Caliá que los cerquèsson après. »