Las fièiras del país

« Lo miu paire anava crompar los pòrcs pels ostals o a Naucèla e los tornava vendre a Baracavila, apelavan aquò, un còp èra, La Barraca de Fraisse.
Crompava pas que de tessons, empr'aquí, en rabalant sus las fièiras ambe los tipes de Lacauna. Aval, avián pas de pòrcs, avián de fedas. Fasiá aquò l'ivèrn. Caliá de carn fresca.
De còps, caliá anar a Rodés a pè. Partiam de Rodés lo ser, quand la fièira èra facha. Lo lendeman matin, èrem aicí. Aquò èra tota la nèit, en butant de bestial.
N'i aviá que fasián Laguiòla-Carmauç a pè, amai pus naut que Laguiòla ! Los patrons avián de borricas mès los gafets menavan lo tropèl. Sovent, mesclavan los tropèls jusc'a La Barraca de Fraisse. N'i a qu'avián un can. »