Lo repais de Pascas

« Un bochièr de Naucèla l'aviá estacat defòra per qu’òm lo vegèsse, lo buòu que seriá sacrificat per Pascas. L’ai vist passejar per las carrièras e sul torn de vila, lo buòu de Pascas, las banas e la coeta enribanadas. 
Dabans de lo claure a cò del bochièr, lo vendeire lo fasiá veire al monde perque deviá èstre una polida bèstia. 
Los dròlles l’acompanhavan e fasián de bruch ambe totas menas d’estiflets, de tarabastèlas, de caramèlas, d’aquestes apleches que prenián als oficis del dijòus e del divendres sents del temps que las campanas èran a Roma coma se ditz. »