Los jorns de fièira a Naucèla

« Quand anàvem dinnar, quand èrem en gropes coma aquò, quand n'i aviá que parlavan de l'agricultura mai que mai, n'i aviá que coneissián un bocin de progès, t'instruisiás aquí, te racontavan, tala causa s'es passada... Dins lo temps del repais de miègjorn, aquò èra interessent de discutar entre agriculturs.
E pièi, tornats a Naucèla, encara la fièira èra pas finida. Lo ser, fasiás de comissions e tornavas partir qu'èra mièjanuèch. Tota la jornada, demoravas a Naucèla. Las femnas fasián las comissions. La joinessa atanben s'amusava. Tota la jornada, èra fièira. »