Vau trobar Madama…

« Vau trobar Madama, que me dòne de pan.
Madama me di(gu)èt que me donava pas de pan tant que li donariái pas las claus de Mossur.
Vau trobar Mossur, que me dòne sas claus.
Mossur me di(gu)èt que me donava pas de sas claus tant que li donariái pas de plomas de busa.
Vau trobar la busa, que me dòne sas plomas.
La busa me di(gu)èt que me donava pas de sas plomas tant que li donariái pas de tripas de vedèl.
Vau trobar lo vedèl, que me dòne sas tripas.
Lo vedèl me di(gu)èt que me donava pas de sas tripas tant que li donariái pas de lach de vaca.
Vau trobar la vaca, que me dòne son lach.
La vaca me di(gu)èt que me donava pas de son lach tant que li donariái pas d’èrba de prat.
Vau trobar lo prat, que me dòne son èrba.
Lo prat me di(gu)èt que me donava pas de son èrba tant que li donariái pas de dalhe de fabre.
Vau trobar lo fabre, que me dòne sa dalhe.
Lo fabre me di(gu)èt que me donava pas de sa dalhe tant que li donariái pas de lard de pòrc.
Vau trobar lo pòrc, que me dòne son lard.
Lo pòrc me di(gu)èt que me donava pas de son lard tant que li donariái pas de glands de garric.
Vau trobar lo garric, que me dòne son gland.
Lo garric me di(gu)èt que me donava pas de son gland tant que li donariái pas de vent de mar.
La mar m’enventa,
Enventi lo garric,
Lo garric m’englanda,
Englandi lo pòrc,
Lo pòrc m’enlarda,
Enlardi lo fabre,
Lo fabre m’endalha,
Endalhi lo prat,
Lo prat m’enèrba,
Enèrbi la vaca,
La vaca m’enlacha,
Enlachi lo vedèl,
Lo vedèl m’entripa,
Entripi la busa,
La busa m'empluma,
Emplumi Mossur,
Mossur m'enclava,
Enclavi Madama
Que me donèt un talhon de pan,
Que n’agèri per passar tot uèi e tot deman ! »