Catinh Cerièia...

« Catinh Cerièia,
Volètz pas venir a la fièira ?
– Qual me gardariá l’ostal ?
– La pola o lo gal.
– Ont es la pola o lo gal ?
– Lo rainald l’a manjat.
– Ont es lo rainald ?
– Darrèr lo boisson.
– Ont es lo boisson ?
– La cabra l’a manjat.
– Ont es la cabra ?
– N’avèm fach un oire.
– Ont es l’oire ?
– Es plen de vin.
– Ont es lo vin ?
– La vièlha l’a begut.
– Ont es la vièlha ?
– Jos un ròc que fa : “Cocut !”
– Ont es lo ròc ?
– N’avèm fach un forn.
– Ont es lo forn ?
– Es plen de pan.
– Ont es lo pan ?
– La maura l’a manjat.
– Ont es la maura ?
– N’avèm fach un bacon.
– Ont es lo bacon ?
– La cata l’a manjat.
– Ont es la cata ?
– Es anada a Roma, quand tornarà, i coparem lo còl ! »