Nòstre-Sénher…

« Nòstre-Sénher m’a envoiat,
Un nenin plan revilhat,
Es polit coma una cerièira,
Sembla un angelon de glèisa,
Nòstre Sénher m’a envoiat,
Un nenin plan revilhat.

Quand les angelons rossèls,
Se miralhan dins son cèl,
Sai pas qué lo podián dire,
Mès, sul còp, lo vese rire,
Quand les angelons rossèls,
Se miralhan dins son cièl.

Quand lo miu nenin me ritz,
Cap de dama de París,
De Bordèus, ni de Tolosa,
Mai que ieu n’es pas urosa,
Cap de dama de París,
Quand lo miu nenin me ritz.

Lo nenin s’es endormit,
Ai, mon Dius, qu’es amarmit,
Doçament sus la colcera,
Aquí lo posquèm veire,
Lo nenin s’es endormit,
Ai, mon Dius, qu’es amarmit !

Quand lo nenin serà bèl,
Li cromparem un capèl,
Lo menarem a Vilafranca,
Sus la cavaleta blanca,
Quand lo nenin serà bèl,
Li cromparem un capèl. »