Lo transpòrt en camion

« Mon grand-paire aviá tres filhs e totes tres avián aprés a conduire pendent la guèrra de 14.
Quand tornèron, se metèron a far de transpòrt.
Aquò comencèt per l’ainat mès aviá pas cap de sòus. Aquò’s un vesin que crompèt lo camion. L’apelavan Calmèls de La Barta, lo Gavach. Mon oncle menava lo camion e, quand aviá qualques sòus, lo pagava.
Pièi aquel abandonèt e vendèt a son fraire.
Mon paire, quand tornèt de la guèrra de 14, dintrèt coma caufur chas un nommat Pradèl que fasiá la linha de Laguiòla a Rodés. Aviá pas cap de permés, alara anèron veire l’ingeniur de las minas que li bailèt lo permés.
Aquò’s atal que mon paire agèt lo permés de conduire les veícules a petròle. »