Ieu soi un òme sans socí
Jacques COMBES
MARIAGE
Chant
--- En 1981 ---
Introduction
Enregistré le 27 juin 1981 à Paulinet de Connac (81) par Alain Roussel et Yves Couderc de l'Institut d'estudis occitans Sud-Avairon de Saint-Affrique.
Publié en 1982 dans Cançons tradicionalas en occitan (1) de la collection Cèrcapaïs.
Les enregistrements originaux sont conservés au CORDAE La Talvera à Cordes (81).
---
« Escotem Françon [Jacques Combes] la nos presentar.
E òc, coma ditz, es una femna que la i a apresa.
Èra una cançon de femnas sul tèma de las pauras filhas a maridar. Protestacion contra los òmes, o çò qu’èra lo maridatge a l’epòca ; cançon moralista ?
Ensacat lo 27 de junh de 1981. » (I.E.O. Sud-Avairon)
Informateur
« Ieu soi un òme sans socí,
Aimi de rire, de me devertir,
Nuèit e jorn per las tavèrnas,
Per las tavèrnas aquí m’avètz,
N’ai pas besonh de calelh ni de lantèrna,
Per me’n anar al lièch.
Quand arribi a l’ostal,
Tròbi las afars que van mal, (bis)
Tròbi la femna pel canton
Que plora que n’a pas rason,
Se n’èra pas per vergonhassa,
N’ i en fotriái de còps de baston. (bis)
Quand arribi a l’ostal,
N’i en demandi una sopa amb’alh, (bis)
“Vai te’n tu bogre d’ivronhassa,
Ivronhassa que tu siás,
Vai te’n tu per las tavèrnas,
Per las tavèrnas, la te faràn.
– Se tu la me vòls pas far,
Qualqu’un mai la me farà, (bis)
Lo vailet ambe la sirventa,
Curaràn lo caçairolet,
Dins aquel temps, paura femnòta,
Te’n gratarai lo costelet. (bis)
Sirventa vai al galinièr,
Trapa una pola pel pè, (bis)
Trapa-la que siasque grassa,
Que siasque grassa coma cal,
Deman es dimenge, la manjarem,
La manjarem al nòstre ostal.”
Lo lendeman coma per exprès,
La podián pas levar d’al lèit, (bis)
Ela se’n va a la messa,
Tota cofada de travèrs,
“Agachatz-la la femna de l’ivronhassa,
Agachatz-la se la reconoissètz.”
Filhas que siètz a maridar,
N’avètz pas temps per vos trufar,
Ne prendretz qualque ivronhassa,
Ivronhassa que serà,
Que manjarà per las tavèrnas,
Que manjarà tot çò qu’aurà. »
