Catarina cerièiras…

« Catarina cerièiras,
Vòls-tuvenir a la fièira ?
– Qual me gardariá l'ostal ?
– La pola amai lo gal.
– Ont es lo gal ?
– Sul brancal.
– Ont es lo brancal ?
– Al fuòc.
– Ont es lo fuòc ?
– L'ai(g)a l'a escantit.
– Ont es l'ai(g)a ?
– Lo buòu maurèl l'a beguda.
– Ont es lo buòu maurèl ?
– A l'arada.
– Ont es l'arada ?
– Los aucèls l'an picada.
– Ont son los aucèls ?
– Al bòsc.
– Ont es lo bòsc?
– Las cabras l'an desbrotat.
– E ont son las cabras ?
– N'avèm fach un oire.
– Ont es l'oire ?
– I avèm mes de vin dedins.
– Ont es lo vin ?
– La vièlha l'a begut.
– Ont es la vièlha ?
– Darrèr la pèira.
– Ont es la pèira ?
– N'avèm fach un forn.
– Ont es lo forn ?
– I avèm mes de pan dedins.
– Ont es lo pan ?
– Los cats e los rats lo nos an manjat.
A… cat ! A… rat ! A… cat ! A… rat !
Es anat a Roma se far copar la coa,
Quand tornarà i coparem lo cap,
Lo metrem a l'ola ! »