Lo ginèst e la paur dels lops

« M’avián contat que los Cairons s’èran atardats a Vabre e fasiá vent d’autan. Passèron tot drech, mas que i aviá de bòsces tot lo torn. Alèra s’entrachèron que i aviá quicòm que los seguiá.
Di(gu)èron : “Puta, aquò’s un lop !”
E, cada bufada, aquò avançava. Los autres montèron sus un garric.
Èra un ginèst que las vacas avián manjat, èra tot redond e l’autan lo butava. Mès que i passèron tota la nèch sus aquel garric ! »