La legenda de Nòstra-Dòna de Gironda

« Èra un cavalièr que davalava lo lòng de l’ai(g)a a l’aplomb del castèl de Gironda.
Lo chaval lisèt e tombèt per l’ai(g)a e lo cavalièr en mème temps.
Alèra l’òme anava se ne(g)ar e, en levent los uèlhs, vegèt aquel castèl amont e una capèla. Mès i aviá pas qu’una pichòta capèla, un pichon cloquièr...
Invoquèt la Senta-Vièrja, e i di(gu)èt :
« Se me fasètz sortir de per l’ai(g)a, vos farai construire una capèla ! »
E, en efèt, sorti(gu)èt de per l’ai(g)a e lo chaval, per sortir de per l’ai(g)a, se cabrèt pel ròc. Los fèrs, los pès dintrèron dins lo ròc. E li aviá enquèra d’aquelses trauces dins lo ròc. S'aquò èra los pès del chaval ne sabe pas res, mès enfin lo cavalièr sia(gu)èt sauvat e lo chaval montèt tot dret, montèt amont al castèl e, efectivament, aprèssa fa(gu)èron construire una capèla. »