Lo darnièr lop tuat a Las Beçadas

« Mon oncle me racontava l’istoèra del darnièr lop que sasquèt tuat a Las Beçadas. Aquò èra en 1860-70 a quicòm prèp. A Las Beçadas, a l’epòca, i aviá de vacas mès i aviá atanben de fedas, bravament. Mès una bèstia veniá totjorn manjar las fedas. Alara l’arrièire-grand-paire, Antrai(g)as de Las Beçadas, Toenon que l’apelavan, di(gu)èt que caliá atapar aquela bèstia. Lo vilhèt, passèt doas o tres nuèches sus una cabòça de cerisièr. E, un ser de clar de luna, ve(g)èt un lop que veniá vas l’estable de las fedas e lo tuèt. »