Los merchands de bestial

« Aviam un oncle aicí [Brasac de Colombièrs] que fasiá un briat merchand. Marchava sovent ambe lo pepè Delmàs de Colombièrs.

Prenián lo tibury, avián una cavala. Anavan a Laguiòla, elses, cercar de vacas. I metián una setmana. Per tornar davalar, un butava e lo que èra partit ambe la cavala esperava l’autre a Sent-Cosme. Aquí, cambiavan e se tornavan esperar un briat pus luènh. Començavan a L'Abitarèla amont, cresi, pièi Sent-Cosme, pièi Espaliu.
Aviam un prat a Limairac e, lo diminge, aquel bestial èra aval. Alara anavan a l’aubèrja, se pintavan tanplan, de còps las vendián dos còps ! Aquò èra pas una fièira mès menavan de polidas vacas alara tot lo monde anava veire aval. »