Passat deman ieu me maride… (Lo cosin)

« Passat deman ieu me maride,
Auèi vene vos convidar. (bis)

Se ne volètz dançar, venètz nos veire,
Se ne volètz manjar, vengasiatz pas.

E lo nòvi di(gu)èt a la nòvia :
“End metrem jaire lo cosin ? (bis)

– Aval, aval al fons de la cambreta,
Aval, aval al pè de nòstre lit.”

Tot en disent lo Pater Nòstre,
Lo nòvi se’n èra endurmit. (bis)

E la coquina de la nòvia,
N’èra anada ambe lo cosin. (bis)

Quand lo nòvi se desrevilha,
Ne fa tres còps lo torn del lit.(bis)

Comptava d’embraçar la nòvia,
N’embraçava que lo coissin. (bis)

Sorti(gu)èt lo cap a la fenèstra,
Ausi(gu)èt cantar lo cocut. (bis)

“A tu fotuda òrra bèstia,
O as ben tanlèu sachut !” (bis) »

[“Traiton, traiton, di(gu)èt mon fraire,
Quand òm a una genta nòvia,
Òm durmís pas tota la nuit.”] »