Las noirissas

« Soi nascuda a París, mes parents m’an gardada pendent tres meses e aprèssa m’an metuda en noirissa a En Cisas jusca l’atge de cinc ans a cò de vesins dels grands-parents. Ma grand-maire èra malauta e me podiá pas gardar. Aprèssa, a cinc ans, mes parents m’an presa per me metre a l’escòla amont. Les parents barravan lo cafè a doas oras de la nuèch e tornavan durbir a quatre oras del matin. Avián pas que doas oras per netejar lo cafè. »